راولپنڈی / ریاض:سعودی عرب کے قومی دن کے پرمسرت موقع پر پاک فوج کے شعبہ تعلقاتِ عامہ (ISPR) نے پاکستان اور سعودی عرب کے درمیان صدیوں پرانے، دیرینہ اور برادرانہ تعلقات کو شاندار خراجِ تحسین پیش کرتے ہوئے ایک خصوصی نغمہ ’ایک دوجے کے دل و جان‘ جاری کر دیا ہے۔
سعودی عرب کے قومی دن پرآئی ایس پی آرنےپاک سعودی لازوال رشتے کو خراج تحسین پیش کرتے ہوئے خصوصی نغمہ ’ایک دوجے کے دل و جان‘جاری کردیاہے۔ یہ نغمہ خوبصورت دھن کے ساتھ اردو اور عربی میں پاک سعودی دوستی اور برادرانہ تعلقات کا پیغام پیش کرتا ہے۔ نغمے میں پاکستان سعودی دوستی، مکہ… pic.twitter.com/ECKUOKc5eQ
— PTV News (@PTVNewsOfficial) September 23, 2026
اردو اور عربی دونوں زبانوں میں گائے گئے اس نغمے کی دلنشین دھن اور الفاظ پاک سرزمین سے لے کر ارضِ حرم تک کے مضبوط روحانی اور عسکری رشتوں کی عکاسی کرتے ہیں۔ نغمے میں دونوں برادر اسلامی ممالک کی لازوال دوستی، خطے میں امن کے مشترکہ عزم، اور حال ہی میں طے پانے والے تاریخی مکہ مشترکہ دفاعی معاہدے کو بھرپور انداز میں اجاگر کیا گیا ہے۔
آئی ایس پی آر کی جانب سے جاری کردہ یہ نغمہ نہ صرف پاک سعودی دوستی کی گہرائیوں کا ترجمان ہے بلکہ یہ اس بات کا بھی مظہر ہے کہ مشکل ترین حالات میں بھی دونوں برادر ممالک ہمیشہ ایک دوسرے کے شانہ بشانہ کھڑے رہے ہیں۔