جاپان کے کوروگی اسپورٹس پارک (Aichi) میں کھیلے گئے ایشیائی کھیلوں (Asian Games 2026) کے پہلے سیمی فائنل میچ میں سری لنکا خواتین کرکٹ ٹیم نے پاکستان کو 8 وکٹوں سے شکست دے کر فائنل میں اپنی جگہ پکی کر لی ہے۔ٹاس: سری لنکا خواتین کی ٹیم نے ٹاس جیت کر پہلے فیلڈنگ کرنے کا فیصلہ کیا۔پاکستان ویمنز ٹیم نے مقررہ 20 اوورز میں 4 وکٹوں کے نقصان پر 177 رنز بنائے۔عائشہ ظفر نے جارحانہ بیٹنگ کرتے ہوئے صرف 40 گیندوں پر 9 چوکوں اور 2 چھکوں کی مدد سے 71 رنز کی نمایاں اننگز کھیلی۔شوال ذوالفقار نے بھی ذمہ دارانہ کھیل پیش کیا اور 50گیندوں پر 3 چوکوں اور 2 چھکوں کے ساتھ 54 رنز بنائے۔کپتان فاطمہ سنا نے آخر میں تیز رفتار 20 رنز (12 گیندیں) کا اہم اضافہ کیا۔سری لنکا کی جانب سے چماری اٹاپٹو، سگندیکا کماری اور کاویا کاوینڈی نے 1, 1 وکٹ حاصل کی۔سری لنکا ویمنز کی ٹیم نے 178 رنز کا ہدف 17.5 اوورز میں صرف 2 وکٹیں گنوا کر باآسانی حاصل کر لیا۔سری لنکن کپتان چماری اٹاپٹو نے بہترین قائدانہ اننگز کھیلتے ہوئے 50 گیندوں پر 7چوکوں اور 6 چھکوں کی مدد سے ناقابلِ شکست 83 رنز بنائے۔حسینی پریرا نے ان کا بھرپور ساتھ دیتے ہوئے 26 گیندوں پر 3 چھکوں اور 3 چوکوں کے ساتھ 42 رنز کی تیز رفتار اننگز کھیلی۔ایمیشا دولانی نے بھی 27 ناٹ آؤٹ رنز کی اننگز کھیلی۔پاکستان کی جانب سے فاطمہ سنا اور ناشرا سندھو نے 1, 1 وکٹ حاصل کی۔
ایشیائی کھیل (2026: سری لنکا خواتین ٹیم نے سیمی فائنل میں پاکستان کو شکست دے کر فائنل کے لیے کوالیفائی کر لیا
