سرگودھا (راجہ نورالہی عاطف سے)
ڈی آئی جی پریزن سرگودھا ریجن سعید اللہ گوندل نے سپرنٹنڈنٹ جیل راؤ کاشف کے ہمراہ ڈسٹرکٹ جیل شاہپور کا تفصیلی دورہ کیا۔
اس موقع پر ڈی آئی جی نے سیکیورٹی، جیل ہسپتال، کچن، غلہ گودام، ویلفیئر سٹور اور جیل فیکٹری کا معائنہ کیا، جبکہ اسیران اور ان کے لواحقین سے ملاقات کر کے ان کے مسائل بھی سنے۔ انہوں نے سیکیورٹی انتظامات، صفائی ستھرائی، معیاری خوراک، طبی سہولیات اور اسیران کی فلاح و بہبود کو مزید بہتر بنانے کی سخت ہدایات جاری کیں۔
دورے کے اختتام پر ڈی آئی جی پریزن سعید اللہ گوندل نے شجرکاری مہم کے تحت جیل احاطے میں پودا بھی لگایا۔