سیالکوٹ (سلیم احمد اعوان شیخو)
ڈپٹی کمشنر سیالکوٹ اویس مشتاق کی زیرِ صدارت ڈسٹرکٹ پرائس کنٹرول کمیٹی کا اجلاس منعقد ہوا، جس میں تاجران اور انتظامیہ کی باہمی مشاورت سے اشیائے خوردونوش کے نئے نرخ طے کیے گئے۔ اجلاس میں ایڈیشنل ڈپٹی کمشنر (ہیڈ کوارٹر و انفورسمنٹ) صولت حیات وٹو، ایڈیشنل ڈپٹی کمشنر (میونسپل سروسز) میاں سرمد حسین اور انجمن تاجران کے نمائندوں نے شرکت کی۔
اجلاس کے بعد جاری کی گئی ریٹ لسٹ کے مطابق اشیائے خوردونوش کی درج ذیل ہیں۔ سپر باسمتی چاول (نیا)
305 روپے فی کلو، دال چنا موٹی235 روپے فی کلو، دال چنا باریک 200 روپے فی کلو، دال مسور 220 روپے فی کلو، دال ماش دھلی ہوئی 415 روپے فی کلو، دال ماش بغیر دھلی ہوئی 370 روپے فی کلو، دال مونگ دھلی ہوئی 250 روپے فی کلو، کالے چنے 222 روپے فی کلو، سفید چنے 210 روپے فی کلو، بیسن 215 روپے فی کلو، چینی کی قیمت
حکومتی پالیسی کے مطابق ہو گی، روٹی (100 گرام) 14 روپے، گائے/بڑے جانور کا گوشت 1,000 روپے فی کلو، بکرے/چھوٹے جانور کا گوشت 2,000 روپے فی کلو، دودھ کھلا 200 روپے فی لیٹر اور دہی 210 روپے فی کلو فروخت ہو گا۔
