پشاور,انورزیب خان
نوشہرہ: ڈسٹرکٹ پولیس آفیسر نوشہرہ سونیا شمروز خان نے علاقے میں جرائم کے خلاف بھرپور اور مؤثر کارروائیاں کرنے، منشیات کے عادی افراد کی بحالی، انہیں علاج کی سہولیات فراہم کرنے اور بہتر مستقبل کی جانب گامزن کرنے کے لیے نمایاں خدمات انجام دینے پر ایس ایچ او تھانہ رسالپور سب انسپکٹر کاشف خان کو تعریفی سرٹیفکیٹ اور نقد انعام سے نوازا۔
ڈی پی او نوشہرہ نے سب انسپکٹر کاشف خان کی پیشہ ورانہ صلاحیتوں، فرض شناسی اور بہترین کارکردگی کو سراہتے ہوئے کہا کہ جرائم کے خاتمے کے ساتھ ساتھ نشہ کے عادی افراد کی اصلاح اور معاشرے میں دوبارہ مثبت کردار ادا کرنے کے قابل بنانا بھی پولیس کی اہم ذمہ داری ہے۔
اس موقع پر کاشف خان نے عزم کا اظہار کیا کہ علاقے میں امن و امان کے قیام، جرائم کے خاتمے اور عوام کے تحفظ کے لیے اپنی ذمہ داریاں مزید محنت، ایمانداری اور جذبے کے ساتھ انجام دیتے رہیں گے۔..