نواب شاہ (رپورٹ: نفیس آرائیں)
مورو کے رہائشی نثار پیرزادہ نے نواب شاہ پریس کلب میں پریس کانفرنس کرتے ہوئے الزام عائد کیا ہے کہ پولیس اہلکار شفیع محمد ملاح اور خالد ملک نے دھوکہ دہی کے ذریعے ان کی قیمتی زمین، سونا اور موٹر سائیکل ہتھیا لی۔
متاثرہ شہری کے مطابق شفیع محمد ملاح نے قسطوں پر پلاٹنگ دینے کا جھانسہ دے کر ان سے 24 گھنٹہ زمین اپنے نام منتقل کرائی اور عوض میں دیے گئے سرکاری تنخواہ کے چیکس بینک سے باؤنس ہوگئے۔ نثار پیرزادہ کا مزید الزام ہے کہ خالد ملک نے 36 لاکھ روپے کے مبینہ جعلی چیکس کے عوض ان کی مرحومہ بہن کی 7 گھنٹہ زمین کا سودا کیا اور لکھت کے وقت مبینہ طور پر 7 تولہ سونا اور موٹر سائیکل بھی لے لی، جو تاحال واپس نہیں کیے گئے۔
نثار پیرزادہ نے وزیر داخلہ سندھ، چیف سیکریٹری سندھ، کمشنر شہید بینظیرآباد، ڈپٹی کمشنر اور ایس ایس پی نوشہروفیروز سے مطالبہ کیا ہے کہ مبینہ فراڈ کی شفاف تحقیقات کرکے ذمہ داروں کے خلاف قانونی کارروائی اور انہیں انصاف فراہم کیا جائے۔