راولپنڈی: ایم ٹو موٹروے پر شدید بارش کے باعث متعدد گاڑیاں آپس میں ٹکرا گئیں، حادثے میں ایک مسافر جاں بحق جبکہ 10 افراد زخمی ہوگئے۔
🚨راولپنڈی۔ ایم ٹو موٹروے پر متعدد گاڑیاں ٹکراگئیں
حادثے میں بس سمیت متعدد گاڑیاں شامل
حادثے میں اب تک 27 افراد زخمی
23 زخمیوں کو ہسپتال منتقل کردیا گیا pic.twitter.com/KNzE0IPaaG— Abbas Malik (@AbbasMalik95703) August 17, 2026
ترجمان موٹروے پولیس کے مطابق حادثہ بارش کے دوران پیش آیا، جس کے نتیجے میں کئی گاڑیاں ایک دوسرے سے ٹکرا گئیں۔ حادثے میں بس میں سوار ایک مسافر جان کی بازی ہار گیا جبکہ 30 افراد زخمی ہوئے، جنہیں طبی امداد کے لیے مختلف اسپتالوں میں منتقل کردیا گیا۔
موٹروے پولیس اور ریسکیو ایمرجنسی ٹیمیں حادثے کے مقام پر موجود ہیں۔ معمولی زخمیوں کو موقع پر ہی ابتدائی طبی امداد فراہم کی جا رہی ہے جبکہ ٹریفک کی روانی برقرار رکھنے کے لیے بھی اقدامات کیے جا رہے ہیں۔