لاہور: مسلم لیگ (ن) کے صدر محمد نواز شریف کی زیر صدارت پارٹی کا ایک اہم اور اعلیٰ سطح کا اجلاس منعقد ہوا، جس میں آزاد جموں و کشمیر میں خواتین کی مخصوص نشستوں اور دیگر اہم امور کے حوالے سے تفصیلی تبادلہ خیال کیا گیا۔
اجلاس کے دوران شرکاء نے آزاد کشمیر کے انتخابات میں خواتین کے بھرپور, فعال اور تحرک کردار کو زبردست انداز میں سراہا۔ رہنماؤں کا کہنا تھا کہ انتخابی عمل میں خواتین کی شمولیت اور متحرک کردار خطے میں جمہوری عمل کے استحکام کے لیے ایک انتہائی خوش آئند قدم ہے۔
ملاقات اور اس اہم مشاورتی اجلاس میں پاکستان کی وزیر اعلیٰ پنجاب مریم نواز شریف، مسلم لیگ (ن) آزاد کشمیر کے صدر شاہ غلام قادر، وفاقی وزیر و مشیر رانا ثناء اللہ، اور انوشہ رحمان سمیت دیگر اہم پارٹی رہنماؤں نے شرکت کی۔ اجلاس میں پارٹی کی آئندہ کی سیاسی حکمت عملی اور تنظیمی امور پر بھی تفصیلی گفتگو کی گئی۔