ہنزہ :پاکستان کے معروف کوہ پیما سہیل سخی کی لاش براڈ پیک پر ایک مقامی رضاکار ٹیم نے تلاش کرلی ہے۔
الپائن کلب آف پاکستان کے مطابق شگر سے تعلق رکھنے والے مقامی رضاکاروں کی ایک ٹیم نے اپنی مدد آپ کے تحت لاپتا کوہ پیما کی تلاش جاری رکھی ہوئی تھی جس دوران انہیں ایک نامعلوم لاش ملی۔ بعد ازاں اس کی شناخت سہیل سخی کے طور پر ہوئی۔
یہ بھی پڑھیں :
براڈ پیک سانحہ: 10 کوہ پیماؤں کی ہلاکت کی تصدیق، "بیٹا نہیں رہا تو لاش ہی دے دو!”: سہیل سخی کی ماں کی پکار نے دل دہلا دیے
پاکستانی کوہ پیما نائلہ کیانی نے سوشل پر ایک پوسٹ میں بتایا کہ الپائن کلب کے مطابق لاش سب سے پہلے شگر کے علاقے ٹیسّر سے تعلق رکھنے والے محمد ندیم، محمد بشیر اور ابوزر نے دیکھی۔ انہوں نے علاقے میں موجود دیگر افراد کو اطلاع دی، جس کے بعد رضاکاروں نے مل کر لاش کو کیمپ ون سے بیس کیمپ منتقل کیا۔ دیگر رضاکاروں کے نام بعد میں جاری کیے جائیں گے۔
براڈ پیک حادثہ: لاپتہ پاکستانی کوہ پیما سہیل سخی کی میت مقامی پورٹرز نے تلاش کرلی۔ شگر کے تین پورٹرز ابوزر علی، محمد بشیر اور محمد ندیم نے بغیر جدید آلات کے کئی گھنٹے محنت کرکے میت برف سے نکال لی۔ ایک نیپالی کوہ پیما تاحال لاپتہ ہے۔#Earthquake #Broadpeak pic.twitter.com/SmQiK50qQU
— Roshan Din Diameri (@Rohshan_Din) August 13, 2026
الپائن کلب کے مطابق موسم نے اجازت دی تو سہیل سخی کی لاش کوجمعرات کو ہی ہیلی کاپٹر کے ذریعے بیس کیمپ سے منتقل کیا جائے گا۔
سہیل سخی ان 10 کوہ پیماؤں میں شامل تھے جو 30 جولائی کو دنیا کی 12ویں بلند ترین چوٹی براڈ پیک پر برفانی تودے کی زد میں آکر لاپتا ہوگئے تھے۔ 8,047 میٹر بلند براڈ پیک پاکستان کے قراقرم کے علاقے میں واقع ہے۔ حادثے کے بعد مہم میں شامل تمام 10 افراد سے رابطہ منقطع ہوگیا تھا۔