کاکروچ جنتا پارٹی احتجاج کے د وران مقبول ہونے والے محمد عرفان کا سوشل میڈیا چینل کیوں بند ہوا؟

نئی دہلی :سوشل میڈیا پر صارفین کی بڑی تعداد یوٹیوب انڈیا سے مطالبہ کر رہی ہے کہ دہلی کی ایک کچی آبادی کے رہائشی محمد عرفان کا اکاؤنٹ بحال کیا جائے۔ ان کے چینل کے فالوورز کی تعداد راتوں رات بہت بڑھ گئی تھی، مگر ویڈیو پلیٹ فارم نے اسے بند کر دیا۔
یوٹیوب نے ابھی تک اس بارے میں کوئی باضابطہ وضاحت جاری نہیں کی۔ محمد عرفان کے پیج ’میں عرفان‘ کو کھولنے کی کوشش کی جائے تو یہ پیغام دکھائی دیتا ہے کہ ’گوگل کی سروس کی شرائط کی خلاف ورزی پر یہ اکاؤنٹ بند کر دیا گیا ہے۔‘
محمد عرفان حال ہی میں جنتر منتر پر کاکروچ جنتا پارٹی کے احتجاج کے دوران آئین کی تمہید پڑھنے کے بعد سوشل میڈیا پر مشہور ہوئے تھے۔
انہوں نے غیر منظم شعبے کے کارکنوں کو درپیش مشکلات اور سب کے لیے تعلیم، صحت کی سہولتوں اور جمہوری حقوق کی دستیابی کی ضرورت پر بات کی تھی۔
28 جولائی کو لوک سبھا میں قائد حزب اختلاف راہل گاندھی نے ان سے ملاقات کی اور کہا کہ محمد عرفان کی سوچ انڈیا کے نوجوانوں کی طاقت اور روشن مستقبل کی عکاسی کرتی ہے۔
یوٹیوب چینل بند ہونے کے بعد محمد عرفان نے ایکس پر لکھا کہ اکاؤنٹ کا بند ہونا ’کسی غلطی‘ کا نتیجہ معلوم ہوتا ہے۔ انہوں نے یوٹیوب سے یہ غلطی درست کرنے کی اپیل کی۔