واشنگٹن: سابق امریکی صدر ڈونلڈ ٹرمپ کی سیکیورٹی کے حوالے سے ایک بار پھر انتہائی سخت حفاظتی اقدامات دیکھنے میں آئے ہیں۔ اتوار کے روز نیو جرسی کے علاقے بیدمنسٹر میں واقع ان کے نجی گالف کلب میں گالف کھیلتے ہوئے ٹرمپ کو ایک انتہائی طاقتور فضائی دفاعی نظام کے حصار میں دیکھا گیا ہے۔
AN/TWQ-1 ایوینجر سسٹم کی تعیناتی: میڈیا رپورٹس اور تصاویر کے مطابق صدر ٹرمپ کے گالف کلب کے اطراف میں اب قریبی فاصلے پر مار کرنے والا فضائی دفاعی نظام AN/TWQ-1 ایوینجر (Avenger) بھی تعینات کر دیا گیا ہے، جو کسی بھی ممکنہ فضائی خطرے سے نمٹنے کے لیے ہمہ وقت تیار رہتا ہے۔
یہ سخت حفاظتی انتظامات اس واقعے کے ٹھیک ایک دن بعد سامنے آئے ہیں جب اتوار کے روز ہی امریکی فضائیہ کے F-16 لڑاکا طیاروں نے بیدمنسٹر میں ٹرمپ کے گالف کلب کے گرد عائد عارضی نو فلائی زون کی خلاف ورزی کرنے والے دو غیر متعلقہ طیاروں کو راستے ہی میں روک کر بحفاظت باہر نکالا تھا۔
اگرچہ وہ طیارے کسی بھی خطرے کا باعث نہیں بنے اور معاملہ پرامن رہا، لیکن حکام کا ماننا ہے کہ "احتیاط علاج سے بہتر ہے” (Better safe than sorry)، اسی لیے صدرِ مملکت اور اہم شخصیات کی سیکیورٹی میں کوئی کسر نہیں چھوڑی جا رہی۔
ڈونلڈ ٹرمپ پر فضائی حملے کا خطرہ حقیقی تھا؟ ایف-16 طیاروں کے بعد اب ’ایوینجر‘ ایئر ڈیفنس سسٹم بھی تعینات!
