جدہ :سعودی عرب کی وزارت توانائی نے کہا ہے کہ اتوار کی صبح ارامکو کی جازان ریفائنری میں لگنے والی آگ پر قابو پا لیا گیا ہے۔
اتوار کو وزارت توانائی کی جانب سے ایکس پر کی گئی پوسٹ میں بتایا گیا ہے کہ ’متعلقہ حکام واقعے کے حوالے سے مزید کارروائیاں مکمل کر رہے ہیں۔‘ دوسری طرف یمن کے حوثیوں نے دعویٰ کیا ہے کہ اُنھوں نے سعودی عرب کے شہر جازان میں واقع آرامکو ریفائنری کو ایک ڈرون حملے کے ذریعے نشانہ بنایا ہے۔
حوثی فوجی ترجمان یحییٰ سریع نے کہا کہ یہ حملہ سعودی ڈرون حملے اور صعدہ اور حجہ صوبوں کی فضائی حدود کی خلاف ورزی کے جواب میں کیا گیا۔
فرق إطفاء الأمن الصناعي التابعة لشركة أرامكو السعودية تخمد حريقاً وقع فجر هذا اليوم الأحد الموافق 1448/2/26 هـ في إحدى المرافق التابعة لمصفاة أرامكو السعودية بجازان، بدون أي إصابات.
وتستكمل الجهات المختصة الإجراءات اللازمة للتعامل مع الحادثة.
— وزارة الطاقة (@MoEnergy_Saudi) August 9, 2026
بیان میں آگ لگنے کی وجہ، اس کے پھیلاؤ کی حد یا کسی جان و مالی نقصان کے بارے میں تفصیل فراہم نہیں کی گئی۔
متذکرہ ریفائنری کمپلیکس یمن کی سرحد کے قریب جنوب مغربی شہر جازان میں واقع ہے۔ یہ ایک بڑے صنعتی منصوبے کا حصہ ہے۔
جازان ریفائنری کمپلیکس سعودی آرامکو کے اہم منصوبوں میں شامل ہے، جہاں روزانہ چار لاکھ بیرل تک تیل صاف ہوتا ہے۔ یہاں پیٹرول اور انتہائی کم سلفر رکھنے والے ڈیزل سمیت مختلف ایندھن تیار کیے جاتے ہیں جبکہ پیٹروکیمیکل کی پیداوار بھی ہوتی جن میں بینزین اور پیرازائلین بھی شامل ہیں۔