میاں چنوں:بینقاب نیوز رپورٹر عاصم کمال
نواحی گاؤں 110/15 ایل میں رات گئے مبینہ طور پر شارٹ سرکٹ کے باعث اچانک آگ بھڑک اٹھی، جس نے دیکھتے ہی دیکھتے مرحوم غلام شبیر کے گھر کو اپنی لپیٹ میں لے لیا۔
آگ کے نتیجے میں گھر میں موجود قیمتی سامان جل کر خاکستر ہوگیا۔ اہلِ علاقہ نے اپنی مدد آپ کے تحت آگ پر قابو پانے کی کوشش کی، جبکہ خوش قسمتی سے واقعے میں کوئی جانی نقصان پیش نہیں آیا۔
واقعے کے بعد اہلِ خانہ کو شدید مالی نقصان کا سامنا کرنا پڑا۔