قصور(محمدوقاص اشرف سے)70
سالہ سرداراں بی بی کے اغوا کا معمہ حل ،سگے بھتیجوں نے قتل کر کے اپنے ہی گھر کے صحن میں دفن کر دیا 9 ماہ بعد نعش برآمد، دونوں بھتیجے ملزم گرفتارتفصیلات کے مطابق سگے بھتیجوں نے جائیداد کے تنازعہ ئر ڈوپٹے سے گلہ دبا کر قتل کر کے نعش اپنے ہی گھر کے صحن میں دفنا دیاتھا دونوں سگے بھتیجے عمران اور شان علی کی نشان دہی پر گھر کے صحن سے نعش برآمدکرلی گئی۔
نو ماہ قبل نتھے جاگیر کی رہائشی غیر شادی شدہ 70 سالہ سرداراں بی بی کے بھائی رشید نے اپنی بہن کے اغوا کا مقدمہ درج کروایا تھا سرداراں بی بی کو ٹریس کرنے کیلئے ایس پی انویسٹی گیشن محمد ضیا الحق کی سربراہی اور ایس ایچ او اسلم بھٹی پر مشتمل ٹیم تشکیل دی گئی تھی۔ پولیس ٹیم نے سرداراں بی بی کی تلاش کیلئے علاقے میں سرچ آپریشن کیے، مکینوں سے پوچھ گچھ کی، ہسپتالوں میں پتہ جوئی کی لیکن کوئی سراغ نہ مل سکا۔ پولیس ٹیم نے شک گزرنے پر سرداراں بی بی کے بھتیجوں سے پوچھ گچھ کی تو ملزمان نے اپنی پھوپھو کو قتل کرنے کا اعتراف کر لیا۔ ملزمان نے اپنی پھوپھی کی جائیداد ہتھیانے کی غرض سے ڈوپٹے سے گلہ دبا کر قتل کیا اور اپنی ہی گھر کے صحن میں دفن کر دیا تھا۔ تھانہ صدر پھولنگر پولیس نے ملزمان کو حسب ضابطہ گرفتار کر کے مزید تفتیش شروع کردی ہے۔ ڈی پی او قصورآفتاب احمد پھلروان کاکہناتھاکہ معاشرے کے دگر گوں حالات اور لالچ نے خونی رشتوں کے تقدس کو بری طرح پامال کر دیا ہے۔۔ معاشرے میں محبت، رواداری اور برداشت کو پروان چڑھا کر مقدس رشتوں کے تقدس بحال رکھنا وقت کی اہم ضرورت ہے۔ ڈی پی او قصور آفتاب احمد پھلروان نے اغوا اور قتل کے اندھے معمہ کو حل کرنے پر تھانہ صدر پھولنگر پولیس کو شاباش دی ہے۔
