جیکب آباد رپورٹ مجیب کھوسو
جیکب آباد کے دلمراد تھانے کی حدود نور واہ کے قریب دو موٹرسائیکلوں کے درمیان آمنے سامنے تصادم کے نتیجے میں تین افراد زخمی ہوگئے۔ زخمیوں میں ممتاز کھوسو، ایاز کھوسو اور مولا بخش بروہی شامل ہیں۔واقعے کی اطلاع ملتے ہی مقامی افراد اور پولیس نے زخمیوں کو فوری طور پر سول اسپتال جیکب آباد منتقل کیا، جہاں ڈاکٹروں نے انہیں ابتدائی طبی امداد فراہم کی۔ ڈاکٹروں کے مطابق زخمی ممتاز کھوسو کی حالت تشویشناک ہونے کے باعث انہیں مزید علاج کے لیے لاڑکانہ منتقل کر دیا گیا، جبکہ دیگر دو زخمیوں کو علاج کے بعد اسپتال میں زیر نگرانی رکھا گیا ہے۔پولیس کے مطابق حادثے کی وجوہات جاننے کے لیے مزید تحقیقات جاری ہیں۔