ٹنڈوالہیار رپورٹ تیمور رضا قائم خانی
ڈپٹی انسپکٹر جنرل آف پولیس حیدرآباد رینج طارق رزاق خان دھاریجو کی جانب سے ایس ایس پی ٹنڈوالھیار سید سلیم شاہ کو شاندار پولیس کارکردگی پر تعریفی سند سے نوازا گیا ڈپٹی انسپکٹر جنرل آف پولیس حیدرآباد رینج طارق رزاق خان دھاریجو نے ایس ایس پی ٹنڈوالھیار سید سلیم شاہ کو ضلع ٹنڈوالھیار میں جرائم پیشہ عناصر کے خلاف مؤثر کارروائیوں، امن و امان کے قیام اور پولیس کی بہترین کارکردگی کے اعتراف میں تعریفی سند پیش کی تعریفی سرٹیفکیٹ تھانہ عمر ساند کی حدود میں 90 لاکھ روپے کی ڈکیتی کے مقدمے میں ملوث ملزمان کی بروقت گرفتاری، لوٹی گئی رقم کی برآمدگی اور ضلع بھر میں چرس، آئس، گٹکا، مین پڑی، شراب سمیت دیگر منشیات کے خلاف بھرپور کریک ڈاؤن اور مؤثر کارروائیوں کے نتیجے میں دیا گیا اس موقع پر ڈی آئی جی حیدرآباد رینج نے ایس ایس پی اور ٹنڈوالھیار پولیس کی پیشہ ورانہ صلاحیتوں، جرائم کے خاتمے اور عوام کے جان و مال کے تحفظ کے لیے کی جانے والی کاوشوں کو سراہتے ہوئے امید ظاہر کی کہ ٹنڈوالھیار پولیس آئندہ بھی اسی جذبے اور عزم کے ساتھ عوام کی خدمت اور قانون کی بالادستی کے لیے اپنی ذمہ داریاں انجام دیتی رہے گی۔