انورزیب خان پشاور
پشاور کے سرینا ہوٹل میں یورپی یونین کے وفد، جس کی قیادت محترمہ اونا کیلی . ) کر رہی تھیں، کے ساتھ محکمہ جیل خانہ جات خیبرپختونخوا کے انسپکٹر جنرل، ریحان گل خٹک کی ملاقات ہوئی۔ اجلاس میں ڈاکٹر سیبسٹین لورین()، چیف ایگزیکٹو آفیسر شارپ پاکستان ()، مدثر جاوید، ڈپٹی انسپکٹر جنرل (جوڈیشل اینڈ سیکیورٹی) جناب امین شعیب، اور ڈپٹی انسپکٹر جنرل (فنانس اینڈ پلاننگ) جناب حشمت اللہ بھی شریک تھے انسپکٹر جنرل جیل خانہ جات نے وفد کا خیرمقدم کرتے ہوئے محکمہ جیل خانہ جات خیبرپختونخوا میں اصلاحات اور ڈیجیٹلائزیشن کے اقدامات کے لیے یورپی یونین کی مسلسل تعاون کو سراہا۔ انہوں نے وفد کو محکمہ میں جاری اصلاحات سے بھی آگاہ کیا، جو وزیراعلیٰ خیبرپختونخوا، سہیل خان آفریدی، اور وزیراعلیٰ کے معاونِ خصوصی برائے جیل خانہ جات، افتخار اللہ جان، کی ہدایات کی روشنی میں عمل میں لائی جا رہی ہیں۔انسپکٹر جنرل نے وفد کو پریزنز اسٹاف ٹریننگ اکیڈمی، ہری پور میں جیل عملے کے لیے جاری پیشہ ورانہ تربیتی پروگراموں کے بارے میں بھی بریفنگ دی۔ یورپی یونین کے وفد نے محکمہ جیل خانہ جات کی جانب سے قیدیوں کی فلاح و بہبود اور اصلاح کے لیے کیے گئے اقدامات کو سراہا اور اس عزم کا اعادہ کیا کہ یورپی یونین، شارپ پاکستان () کے ذریعے، محکمہ جیل خانہ جات خیبرپختونخوا کے ساتھ اپنے تعاون کو مزید مضبوط بنائے گی تاکہ جاری اصلاحاتی عمل کو مزید مؤثر اور مستحکم بنایا جا سکے۔
