بلوچستان رحمت اللہ بلوچ بیوروچیف بے نقاب نیوز)
وزیراعلیٰ بلوچستان کی زیر نگرانی بلوچستان ڈویلپمنٹ اتھارٹی () کی تنظیمِ نو اور مرحلہ وار خاتمے کا اہم فیصلہ کر لیا گیا ہے۔10 جولائی 2026 کو منعقدہ بی ڈی اے کمیٹی کے اجلاس میں ادارے کی اصلاحات اور ملازمین کے مستقبل سے متعلق متعدد تجاویز کی منظوری دی گئی۔اجلاس کے فیصلوں کے مطابق بی ڈی اے کو آئندہ 18 ماہ کے دوران تین مراحل میں ختم کیا جائے گا، جبکہ ادارے کے منافع بخش اثاثوں کو الگ کارپوریٹ کمپنیوں میں منتقل کرنے کی تجویز بھی منظور کی گئی ہے۔دستاویز کے مطابق اصلاحات کے عمل کے دوران ملازمین کے مستقبل کے تحفظ، اثاثوں کی منتقلی، ادارہ جاتی ڈھانچے کی ازسرِ نو تشکیل اور متعلقہ محکموں کے ذریعے عبوری نظام وضع کرنے کے لیے جامع فریم ورک تیار کیا جائے گا۔حکام کے مطابق اس اقدام کا مقصد ادارے میں اصلاحات، وسائل کے مؤثر استعمال اور ترقیاتی منصوبوں کی کارکردگی کو بہتر بنانا ہے، جبکہ ملازمین کے حقوق اور مستقبل کو بھی محفوظ رکھا جائے گا