پیرس/نیویارک:فرانسیسی فٹبال ٹیم کے کپتان کائلین ایمباپے نے فیفا ورلڈ کپ 2026 میں شاندار کارکردگی کا مظاہرہ کرتے ہوئے ٹورنامنٹ کا ‘گولڈن بوٹ’ اپنے نام کر لیا ہے، اور اس کے ساتھ ہی فٹبال کی تاریخ میں کئی نئے ریکارڈ بھی قائم کر دیے ہیں۔
فیفا ورلڈ کپ کے فائنل میں ارجنٹائن کے اسٹار لیونل میسی اپنے گولز کی تعداد میں اضافہ نہ کر سکے، جس کے بعد 27 سالہ ریال میڈرڈ کے فارورڈ کائلین ایمباپے 10 گولز کے ساتھ ٹورنامنٹ کے ٹاپ اسکورر بن گئے۔ تیسری پوزیشن کے لیے کھیلے گئے میچ میں انگلینڈ کے خلاف فرانس کی 4-6 کی شکست کے دوران ایمباپے نے دو شاندار گول کر کے اپنی مجموعی تعداد 10 تک پہنچائی۔ اس طرح انہوں نے مسلسل دوسری مرتبہ ورلڈ کپ کا گولڈن بوٹ جیتنے کا اعزاز حاصل کیا، اس سے قبل انہوں نے 2022 کے قطر ورلڈ کپ میں بھی یہ ٹائٹل اپنے نام کیا تھا اگرچہ تب فرانس فائنل ہار گیا تھا۔
🇫🇷 With no game to play anymore, Mbappé chilled with Fresh, the Miami influencer from Fresh & Fit, on a yacht and watched the final from the water.
Writer: Daniyal pic.twitter.com/hwloW9zMnf
— Mario Nawfal (@MarioNawfal) July 20, 2026
ٹورنامنٹ میں لیونل میسی نے مجموعی طور پر 8 گول کیے، جبکہ انگلینڈ کے جوڈ بیلنگھم اور ناروے کے ارلنگ ہالینڈ 7، 7 گولز کے ساتھ مشترکہ طور پر تیسرے نمبر پر رہے۔
فرانسیسی سپر اسٹار نے اب تک اپنے کیریئر میں صرف تین ورلڈ کپ کھیلتے ہوئے مجموعی طور پر 22 گول اسکور کر لیے ہیں، جو کہ لیونل میسی کے 21 گولز سے ایک زیادہ ہے۔ اس طرح ایمباپے ورلڈ کپ کی تاریخ کے سب سے زیادہ گول کرنے والے کھلاڑی بھی بن گئے ہیں۔