تہران :ایران کے وزیرِ خارجہ عباس عراقچی عمانی حکام سے مذاکرات کے لیے مسقط پہنچ گئے ہیں۔ ممکنہ طور پر یورپ کا ‘‘ہرمز پلان‘‘ پر بھی بریفنگ دی جائے گی
ذرائع کے مطابق یہ دورہ ایران اور عمان کے درمیان دوطرفہ مشاورت کے سلسلے کی کڑی ہے، جس میں خطے کی صورتحال، خصوصاً آبنائے ہرمز سے متعلق امور پر تبادلۂ خیال کیا جائے گا۔
یہ بھی پڑھیں:
آبنائے ہرمز میں ٹول ٹیکس تنازعہ کا حل : یورپ نے منصوبہ پیش کردیا
ایران اور عمان کے وزرائے خارجہ کے درمیان ’اسلام آباد مفاہمتی یادداشت‘ کی شق پانچ کی بنیاد پر آبنائے ہرمز سے جہازوں کی محفوظ آمد و رفت کے لیے مناسب طریقۂ کار پر گفتگو اور تبادلۂ خیال متوقع ہے۔
یہ دورہ ایسے وقت میں ہو رہا ہے جب حالیہ دنوں میں امریکا اور ایران کے درمیان باہمی حملوں کے بعد آبنائے ہرمز کے حوالے سے کشیدگی میں اضافہ دیکھا گیا ہے۔
دریں اثنا، قطری مذاکرات کاروں کا ایک وفد بھی ایران پہنچا ہے، جس کا مقصد ایران اور امریکا کے درمیان مذاکرات کی بحالی کی راہ ہموار کرنا اور دونوں ممالک کے درمیان کشیدگی کم کرنے کی کوشش کرنا ہے۔
عباس عراقچی کی مسقط میں اہم ملاقاتیں، یورپ کے ’’ہرمز پلان‘‘ پر بریفنگ
