تہران :اسلامی جمہوریہ ایران کے صدر ڈاکٹر مسعود پزشکیان کی دعوت پر وزیراعظم محمد شہباز شریف اور فیلڈ مارشل سید عاصم منیر نے اسلامی جمہوریہ ایران کے مرحوم سپریم لیڈر، آیت اللہ سید علی خامنہ ای کے جنازے میں شرکت کی۔ مرحوم سپریم لیڈر 28 فروری 2026 کو ایران پر ہونے والے حملوں کے دوران جامِ شہادت نوش کر گئے تھے
Tehran: 3 July 2026.
At the invitation of the President of the Islamic Republic of Iran H.E Dr Masoud Pezeshkian, Prime Minister Muhammad Shehbaz Sharif attended the funeral ceremony of the late Supreme Leader of the Islamic Republic of Iran, Ayatollah Seyyed Ali Khamenei, who… pic.twitter.com/BDD5wGIOMO
— Prime Minister's Office (@PakPMO) July 3, 2026
فیلڈ مارشل سید عاصم منیر کے تہران پہنچنے پر ایرانی وزیر داخلہ سکندر مومنی نے تہران ایئرپورٹ پر فیلڈ مارشل سید عاصم منیر کا استقبال کیا جبکہ ایران کے اعلیٰ سول و عسکری حکام بھی اس موقع پر موجود تھے۔
استقبالیہ میں پاکستانی وزیر داخلہ محسن نقوی بھی شریک تھے جہاں دونوں ممالک کے اعلیٰ حکام نے باہمی ملاقات اور خیرسگالی کا اظہار کیا۔
وزیراعظم محمد شہباز شریف کے ہمراہ اسپیکر قومی اسمبلی سردار ایاز صادق، نائب وزیراعظم و وزیر خارجہ سینیٹر محمد اسحاق ڈار، وفاقی وزیر اطلاعات و نشریات عطاء اللہ تارڑ، پاکستان پیپلز پارٹی کے چیئرمین بلاول بھٹو زرداری، پیپلز پارٹی کے سیکرٹری جنرل نیئر حسین بخاری اور وزیراعلیٰ سندھ سید مراد علی شاہ بھی موجود ہیں۔
دورے کے دوران وزیراعظم شہباز شریف ایرانی قیادت اور سوگوار خاندانوں سے پاکستان کی حکومت اور عوام کی جانب سے دلی تعزیت کا اظہار کریں گے اور غم کی اس گھڑی میں برادر ایرانی قوم کے ساتھ پاکستان کی مکمل یکجہتی کا اعادہ کریں گے۔