جیکب آباد (رپورٹ مجیب کھوسو)
کراچی کے علاقے شاہ لطیف ٹاؤن میں فائرنگ کے ایک واقعے کے دوران جیکب آباد کے چنہ محلہ کے رہائشی 35 سالہ غلام علی عرف پرویز کٹو جاں بحق ہوگئے۔پولیس کے مطابق مقتول کو فائرنگ کا نشانہ بنایا گیا، جس کے نتیجے میں وہ موقع پر ہی دم توڑ گئے۔ لاش کو ضابطے کی کارروائی کے لیے اسپتال منتقل کردیا گیا۔پولیس کا کہنا ہے کہ واقعے کی مختلف پہلوؤں سے تحقیقات جاری ہیں اور شواہد اکٹھے کیے جا رہے ہیں، جبکہ ملزمان کی گرفتاری کے لیے کارروائی شروع کردی گئی ہے۔ واقعے کی وجوہات فوری طور پر معلوم نہیں ہوسکی ہیں۔