اسلام آباد:وزیراعظم محمد شہبازشریف نے کہا ہےکہ پہلے سے کہیں زیادہ ایران،امریکا امن معاہدے کے قریب ہیں۔ ایکس پر بیان میں وزیراعظم نے کہاکہ توقع ہے 24گھنٹوں میں معاہدے کو حتمی شکل دے دی جائے گی۔
We are closer to a peace deal than ever before. With finalisation likely expected in the next 24 hours, Pakistan is preparing for the electronic signing of the peace deal immediately after, followed by technical level talks next week.
We would like to thank United States of…
— Shehbaz Sharif (@CMShehbaz) June 13, 2026
انہوں نے کہا کہ پاکستان اس کے فوراً بعد امن معاہدے پر الیکٹرانک دستخط کے لیے تیار ہے، جس کے بعد اگلے ہفتے تکنیکی سطح کے مذاکرات ہوں گے۔
وزیراعظم نے کہاکہ ہم مذاکرات کے دوران مسلسل عزم کا مظاہرہ کرنے پر امریکا اور اسلامی جمہوریہ ایران کے شکر گزار ہیں، اور خطے میں اپنے بھائیوں کی حمایت پر ان کا تہہ دل سے شکریہ ادا کرتے ہیں۔ انہوں نے اس یقین کا اظہار کیاکہ یہ تاریخی امن معاہدہ پائیدار امن کے لیے ایک مضبوط بنیاد ثابت ہوگا۔
دوسری طرف امریکی صدر ڈونلڈ ٹرمپ نے وزیراعظم شہباز شریف کے بیان کی تصدیق کرتے ہوئے سنیچر کے روز سوشل میڈیا پر ایک بیان میں کہا کہ ایران کے ساتھ ایک معاہدہ اتوار کو دستخط کے لیے طے پایا ہے اور اس معاہدے کے بعد آبنائے ہرمز کو فوری طور پر ’سب کے لیے کھول دیا جائے گا۔
صدر ٹرمپ نے کہا کہ ’حالات پرامن ہوں گے تو ہم جا کر جوہری مواد بھی کھود کر نکالیں گے، ایران اور مشرقِ وسطیٰ کے ساتھ طویل عرصے تک کام کرنے کے منتظر ہیں،امید ہے یہ عمل تیزی، آسانی اور ہمواری سے مکمل ہوگا، ایسا نہ ہوا تو ہمارے پاس متبادل موجود ہے، امید ہے اس کی ضرورت نہیں پڑے گی۔‘