بلوچستان رحمت اللہ بلوچ بیوروچیف بے نقاب نیوز نیٹورک)
بلوچستان کے ممتاز قبائلی رہنما سردار زادہ میر حیر بیار خان ڈومکی نے قومی شاہراہ پر بڑھتی ہوئی لوٹ مار اور بدامنی کی شدید الفاظ میں مذمت کرتے ہوئے کہا ہے کہ شاہراہ مسافروں کے لیے غیر محفوظ ہو چکی ہے۔انہوں نے کہا کہ گزشتہ شب لمجی کے قریب براہمانی ڈومکی قوم کی باراتی ویگن کو ڈاکوؤں نے لوٹنے کی کوشش کی، مزاحمت پر فائرنگ کے نتیجے میں تین خواتین سمیت چار افراد زخمی ہو گئے، جو انتہائی افسوسناک واقعہ ہے۔ہ قومی شاہراہ پر آئے روز لوٹ مار کا سلسلہ جاری ہے، مگر آج تک کوئی ڈاکو گرفتار نہیں کیا جا سکا، جس سے عوام میں شدید تشویش پائی جاتی ہے۔کچھی انتظامیہ کی ناقص کارکردگی اور مبینہ سرپرستی کے باعث ڈاکوؤں کو کھلی چھوٹ ملی ہوئی ہے، جو ٹولیوں کی صورت میں آکر مسافروں کو لوٹ رہے ہیں اور خواتین و بزرگوں تک کو نہیں بخش رہے۔ایس ایس پی کچھی اور ضلعی انتظامیہ کو مخاطب کرتے ہوئے کہا کہ واقعے میں ملوث ملزمان کو پانچ دن کے اندر گرفتار کیا جائے اور قومی شاہراہ پر امن و امان بحال کیا جائے۔انہوں نے خبردار کیا کہ اگر مقررہ مدت میں کارروائی نہ کی گئی تو قومی شاہراہ کو غیر معینہ مدت تک بند کر دیا جائے گا، جس کا باقاعدہ اعلان کیا جائے گا، اور ٹرانسپورٹرز سے بھی اپیل کی جائے گی کہ وہ شاہراہ پر سفر سے گریز کریں۔