ملک میں آٹے کی قیمتوں میں مزید اضافہ

لاہور+اسلام آباد : ملک میں آٹے کی قیمتوں میں مزید اضافہ ہوگیا، کراچی کے شہری سب سے مہنگا آٹا خریدنے پر مجبور ہیں۔
ادارہ شماریات کے دستاویز کے مطابق ملک میں 20 کلو آٹے کےتھیلےکی زیادہ سے زیادہ قیمت 2800روپے تک پہنچ گئی ہے۔کراچی کے شہری ملک میں سب سے زیادہ مہنگا آٹا خریدنے پر مجبور ہیں۔شہر میں 20 کلو آٹے کے تھیلے کی قیمت 2800 روپے تک ہے۔
دستاویز کے مطابق پشاورمیں 20 کلو آٹے کے تھیلے کی قیمت 2750 روپے تک پہنچ گئی، اسلام آباد میں 20 کلو آٹے کےتھیلے کی قیمت2733 روپے ، راولپنڈی میں 20 کلو آٹے کےتھیلے کی قیمت 2707 روپے ، کوئٹہ اوربنوں میں 20 کلو آٹے کےتھیلے کی قیمت2700 روپے تک ہے۔اس کے علاوہ حیدرآباد میں 20 کلو آٹے کےتھیلے کی قیمت2600 روپے ، خضداراورلاڑکانہ میں 2400 روپے ، فیصل آباد میں 2350 روپے ، گوجرانوالہ میں 2333 روپے اور ملتان میں 20 کلو آٹے کےتھیلے کی قیمت 2267 روپے تک ہوگئی۔

لاہورمیں 20 کلو آٹے کاتھیلہ 2250 روپے میں فروخت کیا جارہا ہے ۔