صوابی (بیورو چیف حق نواز خان)
ایڈیشنل اسسٹنٹ کمشنر ٹوپی ڈاکٹر یمین ثناء کی ہدایت پر عالمی یومِ ماحولیات کے حوالے سے ایک آگاہی ریلی کا انعقاد کیا گیا۔ریلی میں SDFO، ٹی ایم اے، لوکل گورنمنٹ، ریسکیو 1122، سول ڈیفنس اور دیگر متعلقہ اداروں کے افسران و اہلکاروں نے بھرپور شرکت کی۔ ریلی کا مقصد عوام میں ماحولیاتی تحفظ، شجرکاری، صفائی ستھرائی اور سرسبز ماحول کی اہمیت کے بارے میں شعور اجاگر کرنا تھا۔شرکاء نے ماحول دوست سرگرمیوں کے فروغ، درختوں کی حفاظت اور شجرکاری مہم کو کامیاب بنانے کے عزم کا اعادہ کرتے ہوئے اس بات پر زور دیا کہ صاف، سرسبز اور صحت مند ماحول ہی ایک روشن اور محفوظ مستقبل کی ضمانت ہے۔