قصور( سلطان فرید کی رپورٹ)
قصور کے نواحی شہر الہٰ آباد میں پیش آنے والے ایک افسوسناک واقعے میں ایک شخص اور اس کے بیٹے پر مبینہ طور پر ایک 13 سالہ بچی اور 18 سالہ نوجوان کو گاڑی سے ٹکر مارنے اور بعد ازاں تشدد کرنے کے الزامات عائد کیے گئے ہیں۔
متاثرہ خاندان کے مطابق ملزمان نے نہ صرف جسمانی تشدد کیا بلکہ دھمکیاں بھی دیں، جس کے باعث خاندان شدید خوف و ہراس اور ذہنی دباؤ کا شکار ہے۔ واقعے کے حوالے سے مختلف دعوے سامنے آئے ہیں جن کی تصدیق متعلقہ اداروں کی تحقیقات کے بعد ہی ممکن ہو گی۔
اہلِ علاقہ نے مطالبہ کیا ہے کہ واقعے کی شفاف اور غیر جانبدارانہ تحقیقات کی جائیں اور اگر الزامات درست ثابت ہوں تو قانون کے مطابق ذمہ دار افراد کے خلاف سخت کارروائی عمل میں لائی جائے تاکہ متاثرین کو انصاف مل سکے اور آئندہ ایسے واقعات کی روک تھام ہو سکے۔
عوامی حلقوں کا کہنا ہے کہ قانون سب کے لیے برابر ہونا چاہیے اور کسی بھی شہری کو دھونس، دھمکی یا تشدد کے ذریعے خوفزدہ کرنے کی اجازت نہیں ہونی چاہیے۔.