اغوا ہونےوالی معصوم بچیوں اور لاپتا بچوں کی بازیابی کے لیےاحتجاجی مظاہرہ

ٹھٹھہ (رپورٹ شیراز واریو) ٹھٹھہ میں پریا کماری سمیت اغوا ہونے والی معصوم بچیوں اور لاپتا بچوں کی بازیابی کے لیے عید کے تیسرے روز مکلی پریس کلب ٹھٹھہ کے سامنے احتجاجی مظاہرہ کیا گیا۔ اس موقع پر سماجی رہنما سریش کمار نے ہاتھ میں پلے کارڈ اٹھا کر شدید احتجاج کیا اور پریا کماری، اجالا پروین سولنگی، فضیلا سرکی اور دیگر لاپتا بچیوں کی فوری بازیابی کے لیے سخت نعرے بازی کی۔مظاہرے کے دوران سریش کمار نے صحافیوں سے گفتگو کرتے ہوئے کہا کہ سندھ میں معصوم بچیوں اور بچوں کے اغوا کے بڑھتے ہوئے واقعات انتہائی تشویشناک ہیں، مگر افسوس کہ کئی کیسز میں آج تک متاثرہ خاندانوں کو انصاف نہیں مل سکا۔ انہوں نے کہا کہ پریا کماری سمیت کئی معصوم بچے، بزرگ اور نوجوان برسوں سے لاپتا ہیں جبکہ ان کے اہلخانہ روزانہ اذیت اور بے چینی کی زندگی گزارنے پر مجبور ہیں۔انہوں نے وفاقی حکومت اور سندھ حکومت سے مطالبہ کیا کہ لاپتا بچوں، بچیوں اور نوجوانوں کی بازیابی کے لیے سنجیدہ اور مؤثر اقدامات کیے جائیں اگر پریا کماری، اجالا پروین سولنگی، فضیلا سرکی اور دیگر لاپتا افراد کو جلد بازیاب نہ کیا گیا تو احتجاج کا دائرہ وسیع کیا جائے گا۔