کامونکی (شہزادسہیل سے)
کامونکے: اسسٹنٹ کمشنر کامونکے زرغونہ خالد سعید کی زیر صدارت عیدالاضحی کے انتظامات کے سلسلہ میں ایک اہم اجلاس منعقد ہوا جس میں مختلف محکموں کے افسران، امن کمیٹی کے اراکین اور انجمن تاجران کے نمائندگان نے شرکت کی۔ اجلاس کا مقصد عیدالاضحی کے دوران صفائی، سکیورٹی، ٹریفک اور قربانی کے جانوروں کی خرید و فروخت کے انتظامات کا جائزہ لینا تھا۔اجلاس میں ڈی ایس پی سرکل کامونکے رانا ظہور، ممبران امن کمیٹی تحصیل کامونکے سید علی عباس نقوی، رانا حسن شہزاد خاں منج، میاں عبدالشکور اور رانا ذوالفقار علی سمیت انجمن تاجران کے نمائندگان، چیف آفیسر میونسپل کمیٹی کامونکے، اسسٹنٹ ڈائریکٹر لوکل گورنمنٹ، ڈپٹی ڈائریکٹر لائیو سٹاک ڈیپارٹمنٹ کامونکے، ڈپٹی ڈائریکٹر ہیلتھ آفیسر کامونکے، انچارج ریسکیو 1122 کامونکے، میڈیکل سپرنٹنڈنٹ تحصیل ہیڈکوارٹر ہسپتال کامونکے، سیکرٹری مارکیٹ کمیٹی کامونکے اور آپریشنل منیجر گجرانوالہ ویسٹ مینجمنٹ کمپنی کامونکے نے شرکت کی۔