حیدرآباد، (رپورٹ: دلدار علی بلال)
ڈپٹی کمشنر حیدرآباد زین العابدین میمن کی زیر صدارت نیو ڈی سی کمپلیکس میں سب نیشنل امیونائزیشن ڈیز مئی 2026 کے حوالے سے ایک اہم جائزہ اجلاس منعقد ہوا۔ اجلاس میں ایڈیشنل ڈپٹی کمشنر-II صبا اسرار، ڈی ایچ اور حیدرآباد پیر غلام حسین، ڈی ایس پی کینٹ میڈم پارس،این آفیسر سی ڈی سی ڈاکٹر لبنہ، پی پی ایچ آئی ریسکیو 1122، لوکل گورنمنٹ، محکمہ تعلیم، مختلف اسپتالوں، روٹری، وائٹل پاک اور دیگر متعلقہ اداروں کے افسران نے شرکت کیاجلاس میں 18 مئی سے شروع ہونے والی انسداد پولیو مہم کی تیاریوں، حساس علاقوں میں بچوں تک رسائی، سیکیورٹی، مائیکرو پلاننگ، عوامی آگاہی اور بین الادارہ رابطہ کاری کا تفصیلی جائزہ لیا گیا۔ اجلاس کو بتایا گیا کہ ضلع حیدرآباد میں 4 لاکھ 965 بچوں کو پولیو سے بچاؤ کے قطرے پلانے کا ہدف مقرر کیا گیا ہے، جبکہ مہم کیلئے 1515 موبائل ٹیمیں تشکیل دی گئی ہیں۔ سیکیورٹی کے لیے 1737 پولیس افسران و اہلکار تعینات کیے جائیں گے۔اجلاس میں بتایا گیا کہ قادر نگر، قاسم آباد اور لطیف آباد یونٹ 9 سمیت بعض علاقوں کے ماحولیاتی سیمپلز مثبت آئے ہیں، جہاں انکاری اور مسنگ بچوں کی تعداد زیادہ ہونے کے باعث خصوصی حکمت عملی اپنائی جائے گی۔