کوٹ ادو( نمائندہ محمد آصف سے)
جمعیت علما اسلام ضلع کوٹ ادو کے زیرِ اہتمام شیخ الحدیث مولانا محمد ادریس رحم اللہ علیہ کے بہیمانہ قتل کے خلاف آج پریس کلب کے سامنے احتجاجی مظاہرہ کیا گیا۔مظاہرے میں ضلع بھر سے جمعیت علما اسلام کے کارکنان اور مختلف سیاسی و مذہبی جماعتوں کے ذمہ داران نے بھرپور شرکت کی۔ مظاہرین نے پلے کارڈز اور بینرز اٹھا رکھے تھے جن پر علما کے قتل کی مذمت اور قاتلوں کی گرفتاری کے مطالبات درج تھے۔مقررین نے خطاب کرتے ہوئے حکمرانوں سے مطالبہ کیا کہ مولانا محمد ادریس سمیت تمام جید علما کرام کے قاتلوں کو فوری طور پر گرفتار کر کے کیفرِ کردار تک پہنچایا جائے۔ انہوں نے ملک میں بڑھتی بدامنی اور مہنگائی پر بھی شدید تشویش کا اظہار کیا اور حکومت سے مثر اقدامات کا مطالبہ کیا۔مظاہرین نے کہا کہ علما کا تحفظ ریاست کی ذمہ داری ہے اور اگر قاتلوں کو جلد گرفتار نہ کیا گیا تو احتجاج کا دائرہ وسیع کیا جائے گا۔