جھڈو ( رپورٹ / قیصر راجہ راجپوت )
صوبائی وزیر میر طارق علی خان تالپور اور ڈی جی نادرا محمد عامر علی خان کی جانب سے جھڈو میں نادرا آفس کا شاندار افتتاح کر دیا گیا، جس کے بعد علاقے کے عوام کو شناختی دستاویزات اور رجسٹریشن کی سہولیات تک رسائی مزید آسان ہو گئی ہے۔افتتاحی تقریب میں صوبائی وزیر میر طارق علی خان تالپور اور ڈائریکٹر جنرل نادرا کراچی محمد عامر علی خان نے خصوصی شرکت کی اور مشترکہ طور پر نادرا آفس کا افتتاح کیا۔تقریب میں پیپلز پارٹی سٹی جھڈو کے صدر میر عرفان تالپور، اعظم نوحانی، عمران ناگوری سمیت متعدد سیاسی و سماجی رہنما بڑی تعداد میں موجود تھے صوبائی وزیر میر طارق علی خان ٹالپر نے اپنے خطاب میں کہا کہ حکومت عوام کو جدید اور تیز ترین سہولیات فراہم کرنے کے لیے سنجیدہ اقدامات کر رہی ہے، اور نادرا ون ونڈو سسٹم اسی سلسلے کی ایک اہم اور تاریخی پیش رفت ہے، جس کے ذریعے عوام کے مسائل مقامی سطح پر حل ہو سکیں گے۔ڈی جی نادرا محمد عامر علی خان نے کہا کہ جھڈو میں قائم نئے آفس کے ذریعے شہریوں کو شناختی کارڈ، فیملی رجسٹریشن اور دیگر خدمات کے لیے اب دور دراز علاقوں میں جانے کی ضرورت نہیں پڑے گی، کیونکہ تمام سہولیات ایک ہی چھت کے نیچے فراہم کی جائیں گی۔