سکول کے سامنے کوڑے کرکٹ کے ڈھیر،آمدورفت میں پریشانی، بیماریاں پھیلنے کا خدشہ

ڈسٹرکٹ سیالکوٹ کی تحصیل ڈسکہ سے اپنے سپیشل رپورٹر چوہدری محمد پرویز گجر کی رپورٹ کے مطابق ڈسکہ کے نواحی گاں گلوٹیاں کلاں میں واقع گورنمنٹ گرلز پرائمری سکول کے سامنے کوڑے کرکٹ کے ڈھیر لگ گئے ہیں، جبکہ نالہ بھی شاپروں اور گندگی سے بھر چکا ہے۔علاقہ مکینوں کے مطابق سکول کے مرکزی راستے پر کوڑا جمع ہونے کے باعث آمدورفت شدید متاثر ہو چکی ہے اور بچیوں کو سکول آنے جانے میں مشکلات کا سامنا ہے۔ مزید برآں تعفن اور گندگی کے باعث بچوں میں ہیپاٹائٹس بی و سی اور سانس کی بیماریوں کے پھیلنے کا خدشہ بڑھ گیا ہے۔مقامی افراد نے شکایت کی ہے کہ "ستھرا پنجاب” مہم کے تحت صفائی کی ذمہ دار ٹیم کی جانب سے اس علاقے میں کوئی مثر کارروائی نہیں کی جا رہی، جس کے باعث صورتحال دن بدن خراب ہوتی جا رہی ہے۔سکول کی طالبات اور اہل علاقہ نے اسسٹنٹ کمشنر، ڈپٹی کمشنر سیالکوٹ، وزیر بلدیات میاں ذیشان رفیق، افضل منشا، سید داد شاہ بخاری (پولیٹیکل سیکرٹری) اور وزیراعلی پنجاب محترمہ مریم نواز شریف سے اپیل کی ہے کہ فوری نوٹس لیتے ہوئے سکول کے سامنے سے کوڑا کرکٹ ہٹایا جائے اور صفائی کے مستقل انتظامات کیے جائیں تاکہ بچوں کو محفوظ اور صاف ماحول میسر آ سکے۔