خان پور:(رپورٹ رانا غفار)
خان پور میں تجاوزات کے خلاف بڑی کارروائی ۔۔۔ پاکستان ریلوے کی اراضی پر قائم سینکڑوں غیر قانونی گھروں کو مسمار کردیا گیا۔
تجاوزات کے خلاف آپریشن میں ریلوے حکام، جن میں اے ای این اور آئی ڈبلیو وجاہت، ریلوے پولیس کے ایس ایچ او، اے ایس آئی، لیڈیز کانسٹیبلز اور دیگر عملہ شامل تھا، نے حصہ لیا۔
دوسری طرف مکینوں کا مؤقف ہے کہ ان کے گھروں کو بغیر مناسب پیشگی اطلاع کے مسمار کیا گیا، جس سے انہیں لاکھوں روپے کا نقصان اٹھانا پڑا۔ متاثرین نے الزام لگایا کہ انہیں متبادل انتظام کے لیے وقت نہیں دیا گیا۔
جبکہ آئی ڈبلیو وجاہت کے مطابق، محکمہ ریلوے کی جانب سے چار ماہ قبل ہی رہائشیوں کو نوٹس جاری کیا گیا تھا، جس میں انہیں فوری طور پر جگہ خالی کرنے کی ہدایت دی گئی تھی، بصورت دیگر کارروائی کی وارننگ دی گئی تھی۔
شہریوں نے وزیراعلیٰ پنجاب مریم نواز اور ڈی ایس سکھر سے اپیل کی ہے کہ انہیں کچھ مزید مہلت دی جائے تاکہ وہ اپنے رہنے اور روزگار کا متبادل انتظام کر سکیں۔