تل ابیب :اسرائیلی فوج نے کہا ہے کہ اس نے جمعے کی صبح تہران میں ’انفراسٹرکچر‘ اہداف پر حملے کیے ہیں۔ جبکہ قم شہر پر حملے میں 6 ایرانی شہری مارے گئے
ایک مختصر فوجی بیان میں کہا گیا کہ اسرائیلی افواج نے تہران کے وسط میں ایرانی حکومت کے انفراسٹرکچر کو نشانہ بناتے ہوئے وسیع پیمانے پر حملوں کا سلسلہ مکمل کر لیا۔ جبکہ امریکی اور اسرائیلی فورسز نے ایرانی شہر قم میں تین رہائشی مکانات کو نشانہ بنا کر فضائی حملے کیے جس میں چھ افراد ہلاک ہو گئے۔ فارس نیوز ایجنسی نے قم کے نائب گورنر کے حوالے سے بتایا ہے کہ ابھی تک زخمیوں کی تعداد معلوم نہیں ہو سکی ہے۔
#عاجل ❌جيش الدفاع يعمق ضرباته ضد صناعات إنتاج الوسائل القتالية التابعة للنظام الإيراني ويستهدف أكثر من 1000 هدف من منشآت الإنتاج حتى الآن
⭕️منذ بداية عملية زئير الأسد يقود سلاح الجو وهيئة الاستخبارات العسكرية وهيئة العمليات جهداً متواصلاً لضرب منظومة إنتاج وسائل القتالية… pic.twitter.com/Jeo1dVEbqB
— افيخاي ادرعي (@AvichayAdraee) March 26, 2026
ایک ایکس پوسٹ پر، اسرائیلی فوج کے ترجمان اویچائی ایڈرائی (Avichai Adraee) نے کہا کہ اسرائیلی فضائیہ نے ایران میں کئی میزائل اور دیگر ہتھیار بنانے والی تنصیبات کو تباہ کر دیا، جن میں وار ہیڈ فیکٹریاں اور انجن فیکٹریاں شامل ہیں۔ "ایئر فورس کے 60 سے زیادہ لڑاکا طیاروں نے گزشتہ 24 گھنٹوں کے دوران متعدد فضائی حملے کیے، تہران اور وسطی ایران کے مختلف حصوں میں ہتھیاروں کی تیاری کے مراکز پر 150 سے زیادہ ہتھیار گرائے،” ادرائی نے ایکس پوسٹ پر کہا۔