تحریر:رانا سہیل احمد
جہاں لفظ بے نقاب ہوں۔۔۔ وہیں سے سچ کا آغاز ہوتاہے
ماہرینِ صحت نے خبردار کیا ہے کہ ناقص خوراک اور سست طرزِ زندگی سنگین بیماریوں کا سبب بن رہے ہیں، جن میں ہارٹ اٹیک، فالج اور ڈپریشن سرفہرست ہیں۔
تفصیلات کے مطابق تیز رفتار ڈیجیٹل دور میں جہاں انٹرنیٹ اور موبائل فون نے زندگی کو آسان بنایا ہے، وہیں اس کے منفی اثرات بھی نمایاں ہو رہے ہیں۔لوگ جسمانی سرگرمیوں سے دور ہوتے جا رہے ہیں اور پیدل چلنے جیسی معمولی عادت بھی ختم ہوتی جا رہی ہے۔
طبی ماہرین کے مطابق زیادہ دیر تک بیٹھے رہنا، فاسٹ فوڈ اور غیر متوازن غذا کا استعمال دل کے امراض اور بلڈ پریشر میں اضافے کا باعث بنتا ہے، جو بالآخر ہارٹ اٹیک اور فالج جیسے خطرناک مسائل کو جنم دیتا ہے۔ مزید برآں، موبائل فون کے حد سے زیادہ استعمال اور سماجی تنہائی ڈپریشن میں اضافے کا سبب بن رہی ہے، جو مجموعی صحت پر منفی اثرات مرتب کرتی ہے۔
ماہرین نے عوام کو متوازن غذا، باقاعدہ ورزش اور روزانہ کم از کم 30 منٹ پیدل چلنے کی ہدایت کی ہے تاکہ ان مہلک بیماریوں سے بچا جا سکے۔
