اسلام آباد : (ویب رپورٹ)
دنیا کی سیاست بھی عجیب اسٹیج ہے؛ جب اصل کہانی خطرناک ہو جائے تو اسکرپٹ بدل دیا جاتا ہے۔ مبصرین طنزیہ انداز میں کہتے ہیں کہ جیسے ہی Jeffrey Epstein سے جڑی فائلوں کا شور بڑھنے لگا اور بڑے بڑے نام زیرِ بحث آنے لگے، عالمی اسٹیج پر اچانک ایک نیا ڈرامہ شروع ہو گیا—ایران کا محاذ گرم کر دیا گیا تاکہ توجہ کہیں اور چلی جائے۔
سیاست کے اس قدیم حربے کوماہرین "Wag the Dog” (توجہ ہٹانے کے لیے بحران پیدا کرنا) کہتے ہیں۔ جب مقامی سطح پر بڑے اسکینڈلز (جیسے ایپسٹین فائلز) گلے کی ہڈی بن جائیں، تو اکثر عالمی نقشے پر بارود کی بو پھیلا دی جاتی ہے تاکہ عوامی یاداشت کو "بریکنگ نیوز” کے ملبے تلے دبایا جا سکے۔
کہا جا رہا ہے کہ ایران پر حملے کی گونج نے امریکی میڈیا کی اسکرینوں پر جگہ بنا لی، اور امریکا میں وہ بحث جو چند دن پہلے تک ایپسٹین فائلز کے گرد گھوم رہی تھی، اب جنگی تجزیوں اور عسکری نقشوں میں دبتی دکھائی دینے لگی۔ طنز کرنے والے کہتے ہیں کہ جب سیاستدان مشکل سوالوں میں پھنس جائیں تو دنیا کے کسی نہ کسی کونے میں “بریکنگ نیوز” پیدا ہو  ہی جاتی ہے۔

لیکن ناقدین کا کہنا ہے کہ ایپسٹین فائلز کوئی معمولی قصہ نہیں۔ اس معاملے میں جن بااثر شخصیات کے نام زیرِ گردش آئے، انہوں نے دنیا بھر کو حیران کر دیا۔ یہی وجہ ہے کہ بہت سے تجزیہ کاروں کے مطابق یہ اسکینڈل وقتی طور پر دب تو سکتا ہے مگر ختم نہیں ہوگا۔ سیاسی مبصرین کا کہنا ہے کہ جیسے ہی جنگی شور کم ہوگا، یہی سوال دوبارہ امریکی میڈیا، عوامی بحث اور شاید United States Congress کے ایوانوں میں گونجنے لگیں گے۔ کیونکہ جب کہانی میں کردار بہت بڑے ہوں تو فائلیں بھی آسانی سے بند نہیں ہوتیں۔ جب خبر بہت بڑی ہو جائے تو اس سے بھی بڑی خبر پیدا کر دو۔ مگر "فائلیں کبھی واقعی غائب نہیں ہوتیں”۔ تاریخ گواہ ہے کہ جب بھی جنگ کے بادل چھٹتے ہیں، پرانے سوالات پہلے سے زیادہ شدت کے ساتھ واپس آتے ہیں۔۔”