بیرون ملک مقیم سکھوں کے قتل میں “ را“ملوث، مجرمانہ نیٹ ورکس کا ایک اور وار بے نقاب،سکھ فار جسٹس کا کینیڈا میں ملک گیر احتجاج کا اعلان

اسلام آباد):بیرون ممالک سکھوں کو نشانہ بنانے کیلئے ’’را‘‘ کے مجرمانہ نیٹ ورکس کا ایک اور وار بے نقاب ہو گیا ہے، سفاک مودی بھارت سمیت دنیا بھر میں ریاستی سرپرستی میں سکھوں کے قتل عام میں مصروف ہیں۔ تفصیلات کے مطابق بین الاقوامی کمپنی "کینم انٹرنیشنل” کے صدر اور سکھ رہنما درشن سنگھ سہسی کو کینیڈا میں فائرنگ کرکے قتل کر دیا گیا۔ فوٹیج اور ابتدائی تحقیقات کے مطابق سکھ رہنما کے قتل میں بھارتی خفیہ ایجنسی ” را” کے ملوث ہونے کا ہوشربا انکشاف سامنے آیا ہے۔ ابتدائی رپورٹس کے مطابق اس حملہ میں وینکوور میں بھارتی قونصل خانہ کے عملہ کے ملوث ہونے کی بھی اطلاعات ہیں۔

بھارتی خفیہ ایجنسی ’’را‘‘ علیحدگی پسند سکھوں کو قتل کرنے کے لئے باقاعدہ ایک بین الاقوامی نیٹ ورک چلا رہی ہے۔ بھارتی خفیہ ایجنسی’’را‘‘ کی اس گھناؤنی سازش نے کینیڈا کی قومی سلامتی کو سنگین خطرات سے دوچار کردیا ہے۔ تحقیقاتی رپورٹ کے مطابق درشن سنگھ سہسی کا قتل بھارتی خفیہ ایجنسی’’را‘‘ کی بیرونِ ملک سفارتی سرپرستی کے ساتھ کام کرنے کا واضح ثبوت ہے ۔
درشن سنگھ سہسی کے قتل پر علیحدگی پسند تنظیم سکھ فار جسٹس نے کینیڈا میں ملک گیر احتجاج کا اعلان کیا ہے۔ سکھ فار جسٹس کا مؤقف ہے کہ ’’را‘‘ بھارتی قونصل خانوں کے ساتھ ملی بھگت سے کام کر رہی ہے، انتہا پسند مودی سکھوں کے خلاف ریاستی سر پرستی میں دہشت گردی کو بطور پالیسی استعمال کر رہا ہے، سفاک مودی کی ریاستی سرپرستی میں عالمی سطح پردہشت گردی کے مذموم عزائم دنیا بھر میں عیاں ہو چکے ہیں۔