اسلام آباد:پاک فوج اور حکومت کے شفاف نظام کے تحت افغان مہاجرین کا با عزت اور محفوظ انخلاء جاری ہے۔
افغان مہاجرین کو چمن کے راستے منظم، باوقار اور باعزت طریقے سے وطن واپس بھیجا جارہا ہے۔پاکستان نےگزشتہ 40 سالوں میں لاکھوں افغان بھائیوں کو رہائش، روزگار اور تحفظ فراہم کیا۔پاکستان کی بہترین میزبانی انسانی ہمدردی کی تاریخ میں ایک واضح مثال ہے۔افغان مہاجرین کی واپسی مکمل احترام اور قانونی طریقہ کار کے ساتھ یقینی بنائی جا رہی ہے۔
سرکاری اعداد و شمار کے مطابق 15 لاکھ 14 ہزار 384 افغان مہاجرین کی وطن واپسی ہو چکی ہے۔روزانہ تین سے چار ہزار مہاجرین کی اپنے وطن واپسی عمل میں لائی جا رہی ہے۔دستاویزات کی جانچ پڑتال کیلئے شفاف نظام قائم کیا گیا ہے۔ہر شخص کی دستاویزات کی تصدیق کے بعد ہی سرحد عبور کرنے کی اجازت دی جا رہی ہے۔
ایف سی بلوچستان (نارتھ) اور سول انتظامیہ کی طرف سےچمن بارڈر پر لوگوں کے لیے رہائش اور کھانے کا انتظام کیا گیا ہے۔پاکستان میں اب بغیر پاسپورٹ اور ویزے کے داخلہ ممکن نہیں ہوگا۔صرف تجارتی یا دورہ جاتی ویزے پر ہی آمد کی اجازت ہوگی۔یہ اقدام قومی سلامتی، قانون کی پاسداری اور پاک افغان تعلقات میں باہمی احترام کی مضبوط بنیاد ہے۔