چکوال: ڈھڈیال ( بیورو چیف جلیل نقوی نمائندہ بے نقاب نیوز منور حسین سے )
تھانہ نیلہ پولیس نے پنجاب فوڈ اتھارٹی کے ساتھ مشترکہ کارروائی کرتے ہوئے 1200 کلوگرام مردہ مرغیوں سے لدی گاڑی قبضے میں لے لی، جبکہ گاڑی کے ڈرائیور کو گرفتار کر لیا گیا۔تفصیلات کے مطابق وزیراعلیٰ پنجاب مریم نواز شریف کے وژن اور آئی جی پنجاب پولیس عبدالکریم کے احکامات کی روشنی میں ڈی پی او چکوال کی زیرنگرانی تھانہ نیلہ پولیس نے کارروائی کی۔ ایس ایچ او تھانہ نیلہ انسپکٹر صہیب ظفر نے پولیس ٹیم کے ہمراہ کارروائی کرتے ہوئے مردہ مرغیوں کی بھاری کھیپ پکڑی۔پولیس نے گاڑی کے ڈرائیور فیضیاب، سکنہ اسلام آباد، کو حراست میں لے کر اس کے خلاف مقدمہ درج کر لیا ہے۔


