جموں (بے نقاب نیوز)
مقبوضہ کشمیر کے شہر جموں میں بس اسٹینڈ کے قریب ایک بھارتی فوجی اہلکار پراسرار طور پر مردہ حالت میں پایا گیا ۔
مقامی ذرائع اور پولیس حکام کے مطابق بس اسٹینڈ کے قریبی علاقے سے ایک فوجی اہلکار کی لاش برآمد ہوئی، جس کے بعد سیکیورٹی فورسز اور پولیس کی نفری فوری طور پر موقع پر پہنچ گئی۔ پولیس نے لاش کو تحویل میں لے کر پوسٹ مارٹم اور دیگر قانونی کارروائی کے لیے قریبی اسپتال منتقل کر دیا ہے۔
حکام کا کہنا ہے کہ اہلکار کی شناخت کا عمل مکمل کر لیا گیا ہے جبکہ موت کی اصل وجوہات جاننے کے لیے تحقیقات کا آغاز کر دیا گیا ہے۔ پوسٹ مارٹم رپورٹ آنے کے بعد ہی موت کی حتمی وجہ سامنے آ سکے گی۔

