حافظ آباد :سابق وفاقی وزیر لیاقت عباس بھٹی مشکوک حالات میں اپنے گھر میں مردہ پائے گئے۔ لیاقت عباس بھٹی کی موت مشکوک حالات میں ہوئی، پولیس واقعے کی مختلف پہلوؤں سے تحقیقات کر رہی ہے۔
واقعہ میں ملوث سکیورٹی گارڈز، مقتول کی ذاتی گاڑیوں کے ہمراہ غائب ہیں، علاؤہ ازیں مقتول کا ذاتی اسلحہ اور دیگر سامان بھی رہائش گاہ سے غائب پایا گیا ہے۔ڈی پی او حافظ آباد سمیت پولیس کی بھاری نفری اور فرانزک ٹیمیں اس وقت جائے وقوعہ پر موجود ہیں۔ لیاقت عباس بھٹی رہنما تحریک انصاف اور سابق ایم این اے مہدی بھٹی کے سگے بھائی تھے۔جب پولیس موقع پر پہنچی تو لیاقت عباس بھٹی کی نعش بیڈ پر موجود تھی۔پولیس نے قتل سمیت دیگر محرکات پر تحقیقات شروع کردی ہیں۔خاندانی ذرائع کے مطابق مرحوم لیاقت عباس بھٹی، رکن قومی اسمبلی انیقہ مہدی حسن بھٹی کے چچا تھے۔مرحوم کو ان کے آبائی قبرستان برج دارا میں سپردِ خاک کیا جائے گا۔
سابق وفاقی وزیر لیاقت عباس بھٹی کی پراسرار موت، گلے پرنشان، گارڈز ذاتی اشیا، قیمتی گاڑیوں سمیت غائب، پولیس مصروف تفتیش

