بیجنگ/اسلام آباد:(بے نقاب نیوزرپورٹ)
پاکستان اور چین کے تعلقات میں ایک اور شاندار باب کا اضافہ ہو گیا ہے۔ چائنا مینڈ سپیس ایجنسی (CMSA) نے باضابطہ طور پر اعلان کیا ہے کہ ایک پاکستانی خلا باز چین کے آئندہ خلائی مشن ‘شینژو-24’ (Shenzhou-24) کے ذریعے چینی خلائی اسٹیشن کا دورہ کرے گا۔
تاریخ میں یہ پہلا موقع ہوگا کہ چین کے خلائی پروگرام اور خلائی اسٹیشن پر کوئی غیر ملکی خلا باز قدم رکھے گا۔ یہ سنگِ میل پاک-چین تزویراتی شراکت داری اور خلائی تحقیق کے میدان میں دوطرفہ تعاون کی ایک نئی معراج ہے۔
فروری 2025 میں اسلام آباد میں طے پانے والے تاریخی تعاون کے معاہدے کے تحت پاکستانی خلا بازوں کے انتخاب، تربیت اور خلائی مشنز میں حصہ لینے کا آغاز ہوا تھا۔ اس کڑے اور پیشہ ورانہ تین مرحلوں کے سلیکشن اور اسسمنٹ کے بعد دو پاکستانی ریزرو خلا بازوں کا انتخاب کیا گیا تھا، جنہوں نے بیجنگ میں چائنا ایسٹروناট ریسرچ اینڈ ٹریننگ سینتر میں انتہائی سخت عملی تربیت اور تندہی سے چینی زبان سمیت تمام ضروری مہارتیں حاصل کی ہیں۔
چینی حکام کے مطابق منتخب کردہ دونوں خلا بازوں میں سے ایک خلا باز اس خلائی مشن کا حصہ بنے گا جبکہ دوسرا بطور بیک اپ فرائض سر انجام دے گا۔