سانگھڑ: رپورٹ: اشفاق سلہری
سانگھڑ کے قریب کنڈیاری کے گاؤں قاضی جان محمد چنڈ میں چنڈ برادری کے دو گروپوں کے درمیان کسی بات پر تنازعہ شروع ہوگیا، جو دیکھتے ہی دیکھتے شدید تصادم میں تبدیل ہوگیا۔جھگڑے کے دوران دونوں جانب سے ڈنڈوں اور کلہاڑیوں کے آزادانہ وار کیے گئے، جس کے نتیجے میں حاجی امیر بخش چنڈ، سجاد چنڈ، وحید علی، یار محمد، ناظم اور یاسین چنڈ سمیت 6 افراد زخمی ہوگئے۔ اطلاع ملنے پر تمام زخمیوں کو فوری طور پر طبی امداد کے لیے قریبی اسپتال منتقل کردیا گیا ہے۔ پولیس اور مقامی انتظامیہ کی جانب سے واقعے کی مزید تفتیش جاری ہے جبکہ اس حوالے سے مزید تفصیلات آنا باقی ہیں۔