بھارتی ریاست آندھرا پردیش کے ضلع انکا پلے (Anakapalli) میں تفریح کے دوران ایک ڈیم میں ڈوبنے سے 5 خواتین جاں بحق ہو گئیں۔تفصیلات کے مطابق یہ تمام خواتین ایک ہی خاندان اور قریبی رشتہ دار تھیں جو مقامی پنتورو ڈیم (Puntheru Dam) کے قریب سیر و تفریح اور تصاویر بنانے کے لیے گئی تھیں۔ پانی کی گہرائی کا اندازہ نہ ہونے کی وجہ سے ایک خاتون کا پاؤں پھسلا اور وہ گہرے پانی میں ڈوبنے لگی، اسے بچانے کی کوشش میں ایک کے بعد ایک دیگر چار خواتین بھی پانی میں اتر گئیں اور پانچوں کی پانچوں ڈوب کر جاں بحق ہو گئیں۔پولیس اور مقامی انتظامیہ نے لاحقہ کارروائی کرتے ہوئے لاشیں پانی سے باہر نکال لیں اور اس افسوسناک واقعے پر گہرے دکھ کا اظہار کیا گیا ہے۔
