خوشاب (راجہ نورالہی عاطف سے)
ڈپٹی کمشنر خوشاب ڈاکٹر جہانزیب حسین لابر کی زیرِ صدارت ڈسٹرکٹ کمپلیکس کے کانفرنس ہال میں پارکس اینڈ ہارٹیکلچر اتھارٹی (PHA) کی کارکردگی اور انتظامی امور کا جائزہ لینے کے لیے ایک اہم اجلاس منعقد ہوا۔ اجلاس میں افسران اور عملے کی ڈیوٹیوں، جاری ترقیاتی و فلاحی امور اور ادارے کی مجموعی کارکردگی کا تفصیلی جائزہ لیا گیا۔اجلاس کے دوران ایڈیشنل ڈپٹی کمشنر (ایم ایس) ذریاب ساجد نے ڈپٹی کمشنر کو پی ایچ اے کے امور اور کارکردگی کے حوالے سے تفصیلی بریفنگ دی، جبکہ متعلقہ محکموں کے سربراہان اور افسران نے بھی اجلاس میں شرکت کی۔ڈپٹی کمشنر ڈاکٹر جہانزیب حسین لابر نے پی ایچ اے کی مجموعی کارکردگی پر اطمینان کا اظہار کیا تاہم اس کی بہتری کے لیے اہم نوعیت کی ہدایات بھی جاری کیں۔ انہوں نے سختی سے ہدایت کی کہ پی ایچ اے اور محکمہ جنگلات کے افسران فیلڈ میں کام کرنے والے عملے کی نگرانی خود یقینی بنائیں تاکہ کارکردگی میں مزید نکھار آ سکے۔اجلاس میں ٹیکسٹ انسپکٹر محمد زبیر، میونسپل کمیٹی جوہرآباد کے گل محمد، محکمہ جنگلات کے نمائندگان، ڈسٹرکٹ ناظر محمد وقاص اور پی ایچ اے سمیت دیگر متعلقہ محکموں کے افسران نے شرکت کی۔