گاؤں پنہل خان جکرانی میں خاتون کا انتہائی قدم، سول اسپتال میں طبی امداد جاری
جیکب آباد(رپورٹ:بیوروچیف بے نقاب نیوز)
جیکب آباد کے صدر تھانے کی حدود بقا پل کے قریب واقع گاؤں پنہل خان جکرانی میں مبینہ طور پر گھریلو ناچاقی کے باعث خاتون نے زہر پی کر خودکشی کی کوشش کی۔
تفصیلات کے مطابق گاؤں پنہل خان جکرانی کی رہائشی خاتون فرزانہ زوجہ دلبر مرہیٹہ نے گھریلو ناچاقی سے دلبرداشتہ ہو کر زہر پی لیا۔ حالت غیر ہونے پر ورثاء نے خاتون کو فوری طور پر سول اسپتال جیکب آباد منتقل کیا، جہاں ڈاکٹروں کی جانب سے اسے طبی امداد فراہم کی جا رہی ہے۔
واقعے کے بعد خاتون کے دیور واحد بخش مرہیٹہ نے بتایا کہ انہیں فی الحال اس بات کا علم نہیں کہ ان کی بھابھی نے زہر کیوں پیا، اور واقعے کی اصل وجوہات تاحال سامنے نہیں آ سکیں۔
پولیس و انتظامیہ کی جانب سے واقعے کے بارے میں مزید معلومات اور انتہائی قدم اٹھانے کی وجوہات معلوم کرنے کے لیے تحقیقات کی جا رہی ہیں۔
