پشاور:پاک افغان سرحد پر کشیدگی ایک بار پھر خطرناک حد تک بڑھ گئی ہے جہاں دونوں جانب سے شدید جھڑپوں کا سلسلہ شروع ہو گیا ہے۔
سیکیورٹی ذرائع کے مطابق، سرحدی خلاف ورزیوں اور فائرنگ کے تبادلے کے دوران پاکستانی فورسز نے موثر اور منہ توڑ جوابی کارروائی کرتے ہوئے افغان طالبان کا ٹی-62 (T-62) ٹینک مکمل طور پر تباہ کر دیا ہے۔
جبکہ کرم بارڈر پر پاکستانی سیکیورٹی فورسز کی بڑی کارروائی افغانستان سے پاکستان میں داخل ہونے والے 16 دہشتگردوں کو بھون دیا گیا.
ذرائع کا بتانا ہے کہ سرحدی علاقوں میں دونوں فریقین کے درمیان شدید لڑائی جاری ہے، جس میں بھاری ہتھیاروں کا استعمال کیا جا رہا ہے۔ پاکستانی سیکیورٹی فورسز ملک کی جغرافیائی حدود اور سرحدی سلامتی کا دفاع کرنے کے لیے پوری طرح مستعد اور چوکس ہیں، اور دشمن کی کسی بھی جارحیت کا بھرپور اور فیصلہ کن جواب دیا جا رہا ہے۔ اس تازہ جھڑپ کے بعد خطے میں کشیدگی میں مزید اضافہ ہو گیا ہے جبکہ سیکیورٹی اداروں کو مزید ہائی الرٹ کر دیا گیا ہے۔