نئی دہلی :انڈیا میں ایک شخص وراثت میں ملنے والے سونے سے آئی فون خریدنے کی ویڈیو سوشل میڈیا پر وائرل ہے۔
ٹائمز آف انڈیا ویب سائٹ کے مطابق دہلی کے ایک شخص کا دعویٰ ہے کہ اس نے اپنی دادی اور پڑدادی سے ورثے میں ملنے والے کچھ زیورات فروخت کرکے اپنی اہلیہ کو آئی فون 18 پرو میکس کا تحفہ دیا۔
Some people sell gold to buy a house. Some sell it for their children’s future. This Delhi man sold family gold passed down from his grandmother and great-grandmother to buy his wife an iPhone 18 Pro Max.🙈 pic.twitter.com/MVSUEtmfSB
— Harsh Goenka (@hvgoenka) September 18, 2026
اس غیر معمولی خریداری نے جہاں سوشل میڈیا پر مختلف تبصرے کیے جا رہے ہیں وہاں انڈیا کے معروف صنعت کار ہرش گوئنکا نے اس فیصلے پر اپنے خیالات کا اظہار کیا۔گوئنکا نے لکھا کہ ’کچھ لوگ گھر خریدنے کے لیے سونا فروخت کرتے ہیں، کچھ اپنے بچوں کے مستقبل کے لیے۔ لیکن دہلی کے اس شخص نے اپنی دادی اور پڑدادی سے ورثے میں ملنے والا خاندانی سونا اپنی اہلیہ کے لیے آئی فون 18 پرو میکس خریدنے کے لیے فروخت کر دیا۔‘
ٹائمز آف انڈیا کے مطابق دہلی کے اس شخص نے بتایا کہ اسے اپنے خاندان سے کافی مقدار میں سونا ورثے میں ملا تھا اور اس نے اس میں سے کچھ فروخت کرنے کا فیصلہ کیا۔ اس کی وجہ سادہ تھی کہ وہ اپنی اہلیہ کو سرپرائز دینا چاہتے تھے اور اس کے لیے کچھ خاص کرنا چاہتے تھے۔
انھوں نے یہ بھی بتایا کہ وہ آئی فون کے جدید ترین ماڈل کے لانچ ہونے کا انتظار کر رہے تھے اور یہ فون بالآخر 18 ستمبر کو انڈیا میں فروخت کے لیے پیش کر دیا گیا۔
تفصیلات کے مطابق انڈیا میں آئی فون 18 پرو کی قیمت 1,64,900 روپے، جبکہ آئی فون 18 پرو میکس کی قیمت 1,79,900 انڈین روپے ہے