امریکا کا ایرانی صدر پزشکیان کی میڈیا ٹیم کو ویزے جاری کرنے سے انکار، تہران کی شدید مذمت

تہران / نیویارک:امریکہ نے نیویارک میں منعقد ہونے والی اقوام متحدہ کی جنرل اسمبلی (UNGA) کے سالانہ اجلاس میں شرکت کے لیے جانے والے ایرانی صدر مسعود پزشکیان کی میڈیا ٹیم کو ویزے دینے سے انکار کر دیا ہے، جس کے باعث ایرانی صدر کو بغیر میڈیا عملے کے امریکہ کا سفر کرنا پڑا۔
ایرانی صدر کے دفتر کے ڈائریکٹر جنرل برائے تعلقاتِ عامہ، حبیب اللہ عباسی نے پیر کے روز اس واقعے کی تصدیق کرتے ہوئے واشنگٹن کے اس اقدام کو ایک "سراسر معادی اور دشمنی پر مبنی عمل” قرار دیا ہے۔ ان کا کہنا تھا کہ اس طرح کے حربے سفارتی آداب کے خلاف ہیں اور اس کا مقصد دنیا کے سامنے ایران کا مؤقف رکھنے والی آواز کو دبانا ہے۔
واضح رہے کہ یہ تنازع ایسے وقت میں سامنے آیا ہے جب ایک طرف جہاں امریکی صدر ڈونلڈ ٹرمپ نے حال ہی میں جنرل اسمبلی کے ساجھ میں ایرانی صدر سے ملاقات کے امکان کا اظہار کیا تھا، وہیں دوسری طرف سفارتی سطح پر تناؤ اور کشیدگی میں مسلسل اضافہ ہوتا جا رہا ہے۔ امریکی حکام کی جانب سے اس ویزا انکار پر فوری طور پر کوئی باضابطہ بیان سامنے نہیں آیا، تاہم اس واقعے نے دونوںممالک کے درمیان پہلے سے کشیدہ تعلقات میں مزید تلخی پیدا کر دی ہے۔